The Story of Priest Point

Miharo au ki enei tu kiriata poto. Ka rawe!

Revitalizing Endangered Languages - FINAL.mp4

He tirohanga ano tenei ki nga mamae o nga iwi taketake o e ao whanaui. Kia kaha tatou

Sugata Mitra shows how kids teach themselves | Video on TED.com

Sugata Mitra shows how kids teach themselves | Video on TED.com

Kua tae ki te wahanga mutunga o tenei mahi ko te efellowship tena. Ahakoa taku pouri kei reira tonu nga whakaaro miharo mo tenei mahi. Kei konei tonu matou e tautohetohe ana, e pa an ki nga kaupapa maha o tenei mea te matauranga. Titiro ki tenei kaikorero no tawahi. He pai ona whakaaro, kei roto hoki nga wero kia tatou nga kaiako. Matakitaki mai

Nga Pu o te Wheke

Anei te kiriata poto o te roopu tuakana o TKKM o Rangiawhia. I whakapau kaha ratou katoa ki te tutuki pai tenei kaupapa. He roopu ngakaunui tenei ki nga ahuatanga o te hangarau engari e ai ki a ratou 'kei hea te reo Maori?. I rangahaua te kaupapa Maori me te hangarau kei runga te wharangi rapunga ara ko te Google tena ko nga pikitia me nga tuhinga i puta he tirohanga ki te ao tawhito ke. Ko nga pikitia katoa e pa ana ki nga mahi a nga tupuna he rawe engari kei hea nga kaupapa o te ao hurihuri? Katahi i puta mai te whakatau o te roopu, me waihanga he kiriata poto e pa ana ki to ratou mahi kei ro akomanga. Ahakoa he tau hou tonu ratou ki tenei kaupapa he ngakau nui tonu. I mahitahi matou ko te kura tuarua o Kaitaia kei raro i te maru o Amba Davidson. I tae mai ratou mo te ra kotahi ko te whakapakari pukenga te kaupapa matua. Katahi i whakarite nga tamariki o te Kura o rangiawhia to ratou mahere mahi. Anei nga hua! Matakitaki mai.

kurakanikani.mov

I te marama o Mahuru i puta mai te korero no nga kaiwhakahaere o te whakataetae Outlook for Someday me whakamaoritia matou te kiriata Nga Pu o Te Wheke. I hanga hoha hoki nga tamariki ki tenei whakatau. E ai kia ratou ko te putake o te kiriata ko te oranga o te reo na reira me pumau tonu ki te kaupapa. He kaha hoki ratou ki te tautoetohe kei waenganui ia ratou ano, etahi e whakaae ana ki runga i te tumanako 'me mohio te rahi me te iti to tatou kaupapa ka tika'. Etahi atu e whakaaro ana ma te whakamaoritia o te kiriata, ka whati ke te kaupapa rangatira.

Ahakoa te aha e kore to matou kiriata e whai wahi kei roto i te roopu whaiiti engari ka ngakau nui tonu nga akonga ki te mahi hanga kiriata poto. Kua kite ratou he tumomo huarahi ano mo te whakamohio atu ki te hunga whanui nga piki me nga heke e pa ana ki te oranga o te reo. Ka mau te wehi he roopu rangatira ratou nga tauira o te KKM o Rangiawhia. Anei to ratou whakaaro e pa ana ki to ratou whakatu ki te ao 'he maori ahau'

Ulearn

I te wiki tuarua o nga harerei i haere au ki te Wai Pounamu mo te wananga mo nga Kaiako o te motu ara ko te Ulearn tena. Ko te tikanga i tu ahau hei kaikorero kei raro i te maru o nga Core efellows, ko taku waimarie tena!. Mo nga marama e 5 i huitahi matou ko nga efellows me nga Kaiako matua no Core ki te wananga ki te whakawhiti korero ki te tautohetohe ranei e pa ana ki nga kaupapa hangarau kei roto i nga Kura. Ko aku hoa mahi he rangatira katoa ratou kei raro i te kaupapa hangarau. Ko Margaret tetahi he pu tena mo nga akomanga nohinohi me ona whakaaro miharo e pa ana ki nga robotic leggo me nga nekehanga o nga kiriata. Ko Nathan tetahi e ngakau nui ana ki te oranga o te ao, ko tona kaupapa korero e hangai ana ki te mea miharo ko nga mea kore utu are ko te 'open source' tena. Ko Joel tetahi tangata matatau rawa ki nga ahuatanga hangarau, ipurangi, rorohiko he aha ranei ko tona wawata e pa ana ki nga momo taputapu harihari hei momo akomanga. Kia kaua te Kaiako e pohehe ana kotahi anake te wahi ako ara ko te akomanga tena . Ko Florence no tawahi, he wahine kaha ia ki te whakaputa whakaaro e pa ana ki te reka o nga momo reo katoa ko tona whakatau me whakawhanui nga whakaaro o nga rangatahi ma te mahi a ipurangi kia tuwhera te ngakau, te hinegaro me te wairua ki nga ahuatanga rereke, nga tikanga rereke, me nga reo rereke.

Ko Tara tetahi wahine toa e mahi ana ki te tonga o Tamaki Makaurau. Ko te putake o tona rangahau ko te rereketanga o nga akonga mena i reira tetahi kamera e tango whakaahua ana...ko tona whanatau ka rereke te tangata mena ka matakitaki tetahi iaia...

Ko taku waimarie kia whiwhi au i tenei honore, a tera wiki ka aro atu au ki toku kaupapa korero kei raro i te maru o te whakatauki "Ruia taitea kia tu ko taikaka anake"

Te Kiriata poto...."Outlook for Someday"

E hikohiko ana nga whakaaro a nga tamariki inaianei, ka huri te whakaaro ki nga kaupapa motuhake mo te oranga o to tatou reo rangatira. Kua timata tatou ki te aro ki nga matapono o te pakirehua he whakaruruhau mo te kaupapa nei. Kua timata nga tautohetohe me nga whakawhitinga korero me te pai hoki o te wero i tetahi ki tetahi. Tenei wiki ka timata nga vlogs hei tu momo arotake ki nga mahi kua mahia, ki nga korero kua korerohia. Ma te whakawhanui whakaaro ka taea e nga tamariki ki te whirwhiri nga huarahi pai ma tatou. Kaua e huri ki wahi ke atu...

E-Fellowship!!

Kua pa mai te werawera inaianei!... Ko taku waimarie ko au tetahi o nga E-fellows mo tenei tau, na reira me kaha au ki te rangahau, ki te whakamatautau, ki te haututu, ki te raweke kia whai maramatanga, mohiotanga me te matauranga mo tenei kaupapa miharo.

I tera marama i huitahi ai matou ko nga E-fellows i te Wai Pounamu me te parekareka hoki tera hui tuatahi. Ko ratou katoa he tangata pukumahi kei ro akomanga, he roopu ngakaunui ki te kaupapa e-learning, he roopu kaha ki te whakawhiti whakaato whakawhiti korero hoki na reira tino waimarie ahau!

Tenei wahanga kei te tiro atu te ruma tuakana o te KKM o Rangiawhia ki nga kaupapa e pa ana ki te oranga o to tatou reo rangatira. Ko te putake o taku rangahau ko te waihanga o nga digital stories kia whakapakari to ratou pukenga e-learning (te reo matatini). Ka huri hoki te whakaaro ki te waihanga tetahi kiriata poto kei raro i te kaupapa "Outlook for Someday"....na reira ia wiki ka waihoa au tetahi paku korero he momo wataka mahi kia mohio koutou ka pehea te haere.