Ahomairangi pasific beats 2011

Ka rawe Te Ahomairangi kei runga noa atu koutou!

Wade Davis on endangered cultures | Video on TED.com

Wade Davis on endangered cultures | Video on TED.com

Ka rawe hoki tenei matakitaki mai

Wade Davis on endangered cultures | Video on TED.com

Wade Davis on endangered cultures | Video on TED.com

He pai nga whakaaro o tenei tangata, ahakoa he whitiaata tawhito ka rawe tone tona whakatau

Ra whakanui te hapori

I nga ra whakataa kua pahure i tu tetahi ra whakanui te hapori ki to matou Kura. Na te Hauora o te Hiku tenei kaupapa e whakamarumaru hei rautaki whakaora ai nga hapori nga iwi, nga hapu nga whanau o te rohe nei.

Ka rawe hoki kia kite te tini i tae a tinana atu he kanohi kitea o tena whanau o tena whanau o te rohe ki taua ra whakahirahira. Ka tika me mihi atu ki te whanau whanui.

Ka pa mai te werawera!

A tera wiki ka pa mai te werawera ki a matou o TKKM o Rangiawhia. Ka hoki mai a ERO ki te ata titiro ki a matou mahi, kia kite hoki mena kua piki nga ahuatanga ngoikore. Ko te tumanako kua tutuki pai nga mahi kua maheretia tenei tau, engari kei reira tonu te awangawanga.

Kua tata pau te tau kotahi i te wehenga atu o Papa Makoare me te ohorere hoki, he tere rawa tena. Ahakoa ka hanga pouri tonu matou ka whai hua tonu te mahi, he aha ai? Na te mahi pai o nga tamariki, ko ratou tena te putake nui o te whakaaro.

Kua whiwhi tetahi poari hou me te mihi nui ki a ratou, he kaha hoki te whanau ki te tautoko nga tamariki engari kei reira tonu nga ahuatanga me whakapakari engari me pehea? Ma te tika, te pono me te aroha.

Anei tetahi pikitia o nga tamariki e tautoko ana i te kaupapa o nga taonga pumau. (Experiencing Marine Reserves)

Ahomairangi at Smokefree Rockquest 2011 'I Think I'm In Love'

Matakitaki mai ka rawe tenei whakaaturanga! Ka pai koutou o Ahomairangi

Patricia Ryan: Don't insist on English! | Video on TED.com

Patricia Ryan: Don't insist on English! | Video on TED.com

Ata whakarongo ki nga korero o te wahine nei, he pai ona whakaaro e pa ana ki nga reo taketake o te ao. Kia kaha tonu tatou ki te korero Maori. Mahara au i te wa au te tamariki ana e ai ki nga matua me ako i te reo Pakeha kia whai wahi ai ou whakaaro rangatira i te ao whanui...Ka pera tonu te whakaaro?

Dr. Yong Zhao: Transformative Technology

Ko te ra tuarua tenei o te hui mo nga Tumuaki o Aotearoa whanui ki Whanganui-a-tara. I tera po kua ahua hoha au ki te ahuatanga o te hui he ahua maroke te haere!. I reira au hoki me toku awangawanga na te mea he ruarua noa iho nga kanohi Maori, nga kanohi ranei o nga whanaunga o nga motu engari ko te nuinga o nga tangata he pakeha. Kei hea te huarahi mo a tatou tamariki Maori kei ro kura aoraki? Me kaha ake tatou nga kaiako Maori ki te eke ki nga turanga tuuaki kia whai oranga a tatou tamariki maori.

Katahi i tu tenei tangata a Dr Yong Zhao...miharo rawa. I noho au me taku ngakau e paopao ana, he aha ai? na te pai o nga whakaaro me te pai hoki o te rere o te korero. Matakitaki mai he aha ou whakaaro?

Who I Am- Pacifica Beats

Ae he tino whakahihi tenei Mama...ka pai Te Ahomairangi!

efellows

Ko te ngako o te kaupapa nei ko te whakapakaritanga o nga ahuatanga o te reo Matatini (e-learning) Ko matou o te roopu nei ko nga CORE EDUCATION E-FELLOWS 2010. Kaore he mutunga mai tonu ki nga hua o taua kaupapa ra, na reira Kaiako ma kia kaha ki te whai tonu i tenei tumomo mahi. Matakitaki mai

http://edtalks.org/video/2010-efellows-talk-about-their-research-projects

"Kei Konei Ra" Official Music Video

Kaore he mutunga mai ki nga mihi me mihia kia koutou, miharo rawa! Kia kaha tonu kia tu he tauira pai mo tatou.

L@S Rotorua Ra tuatahi

Inanahi ra ko te kaikorero tuatahi ko Scott McLeaod nana tenei whitiata i waihanga. Ko te nuinga o nga korero e pa ana ki nga momo hangarau rereke, nga tuahuatanga o te ao hou.(Disruptive innovations). Ko te whakaaro matua e hangai ana ki te te ao hangarau (information landscape) engari ko te patai nui pea, ma wai tenei tumomo hangarau. Ahakoa te hiahia, te ngakau nui ranei ka ahatia mena ka noho koe he tangata pohara? Kore e taea e te tangata ki te whakarereke tona ao, ona whakaaro ranei mehemea kei waho ia i te keti. Kia kaua tatou e pohehe ko te taputapu te mea nui, engari ko nga whakaaro ke...

http://bigthink.com/ideas/30724 (kei konei tona wharangi ake)

Devdutt Pattanaik: East vs west -- the myths that mystify

He aha nga hua o te tirohanga rereke ki te ao? Ko te putake nui ko te aroha tetahi ki tetahi. Kia whai wahi hoki nga whakaaro rereke, nga uaratanga rereke, nga tikanga nga reo motuhake o te ao whanaui.
Ko te kupu a tauiwi ko te 'epistemology' katahi ka puta mai ou whakaaro mo te ao.
Na reira me matakitaki tenei whakaaturanga, ara whai whakaaro mo te tirohanga Maori vs tirohanga Pakeha. He aha ou whakaaro?

kura raumati

Kua hoki au ki te whare wananga o Waikato mo te wahanga mahana rawa o te tau..aue te porangi hoki! Engari ahakoa taku mokemoke mo te kainga mo te whanau ranei kei reira tonu nga hua. Ko te kaupapa matua o taku pepa e pa ana ki nga tumomo huarahi mo te mahi rangahau. Te tirohanga to te kairangahau, nga patai matua, me nga kaupapa tiaki tangata. Te pai hoki o nga kaikorero engari kei te awangawanga tonu au mo tetahi wahanga ki te kairangahau. Ko te tikanga me whakaputa korero ia mo tona ake noho ki te ao marama. Ko wai, no hea, tona mahi tona ao ranei. Katahi ka watea ki te mahi tonu i te mahi. Ko te tumanako he huarahi pai tenei kia mohio te kaipanui 'he aha ai penei tona tirohanga ki te kaupapa'. Engari me whai whakaaro tonu te kairangahau mo te tirohanga to te hunga kua rangahautia...kaua e pohehe ma te whakaputa o te korero ka watea ki te wai tonu te huarahi noa. Apopo ka hoki au ki te roopu ki te wero ki te kaupapa nei.

Languages Matter: Endangered languages film

Kia mataara! Me tiakina tonu to tatou reo rangatira. Korero maori