Te Kiriata poto...."Outlook for Someday"

E hikohiko ana nga whakaaro a nga tamariki inaianei, ka huri te whakaaro ki nga kaupapa motuhake mo te oranga o to tatou reo rangatira. Kua timata tatou ki te aro ki nga matapono o te pakirehua he whakaruruhau mo te kaupapa nei. Kua timata nga tautohetohe me nga whakawhitinga korero me te pai hoki o te wero i tetahi ki tetahi. Tenei wiki ka timata nga vlogs hei tu momo arotake ki nga mahi kua mahia, ki nga korero kua korerohia. Ma te whakawhanui whakaaro ka taea e nga tamariki ki te whirwhiri nga huarahi pai ma tatou. Kaua e huri ki wahi ke atu...

E-Fellowship!!

Kua pa mai te werawera inaianei!... Ko taku waimarie ko au tetahi o nga E-fellows mo tenei tau, na reira me kaha au ki te rangahau, ki te whakamatautau, ki te haututu, ki te raweke kia whai maramatanga, mohiotanga me te matauranga mo tenei kaupapa miharo.

I tera marama i huitahi ai matou ko nga E-fellows i te Wai Pounamu me te parekareka hoki tera hui tuatahi. Ko ratou katoa he tangata pukumahi kei ro akomanga, he roopu ngakaunui ki te kaupapa e-learning, he roopu kaha ki te whakawhiti whakaato whakawhiti korero hoki na reira tino waimarie ahau!

Tenei wahanga kei te tiro atu te ruma tuakana o te KKM o Rangiawhia ki nga kaupapa e pa ana ki te oranga o to tatou reo rangatira. Ko te putake o taku rangahau ko te waihanga o nga digital stories kia whakapakari to ratou pukenga e-learning (te reo matatini). Ka huri hoki te whakaaro ki te waihanga tetahi kiriata poto kei raro i te kaupapa "Outlook for Someday"....na reira ia wiki ka waihoa au tetahi paku korero he momo wataka mahi kia mohio koutou ka pehea te haere.

E mohio ranei e koe?

I matakitaki au i tenei whakaaturanga i tera atu marama. Kei reira te roanga ake o nga korero e pa ana ki nga hirautanga o tenei momo reo matatini mo te ao whanui. Na reira me pehea tatou te iwi Maori? He aha nga korero whakatupato e pa ana ki te kaupapa nei. He aha nga korero tautoko ranei? Kaore e taea te noho noa iho, me matara na te mea a tona wa ka rongo hoki tatou ki nga awangawanga. Me whai wahi, me whai wa ranei nga tamariki i nga Kura Kaupapa Maori i te kaupapa nei, kia matau rawa kia kokiri i te kaaupapa nei i te reo MAORI. Ahakoa no tawahi tenei whakaaturanga, he panga ano hoki mo te iwi Maori. Aue kei te he, haere ki te wharangi
http://reomatatini.wikispaces.com/ katahi whiriwhiri i te kaupapa 'blogs' ki te taha maui, ara matakitaki i te mea E mohio ranei e koe?

E-literacy in Kura Kaupapa maori

Just a quick explanation, Im really interested in how we could develop e-literacy skills in bilingual education. By that Im refering specifically to schools that operate a total immersion or heritage language programme. There are several criteria for developing additive bilingual students and total immersion in the target language for at least 6 years is one. So do we wait until students transition back to English or mainstream (which could be as early as yr5 or as late as yr8) or is there another alternative. As a teacher in Kura Kaupapa Maori in my experience either one of two things happen. Either our students dont have access to e-learning, or a compromise is made and they are given resources in English to use, neither scenario is ideal. I feel that we need to intorduce e-literacy early but we need to find a way, claim a space if you like to use the technology to enhance Maori immersion education.

Te Reo Matatini kei roto i nga Kura Kaupapa maori

Ka pehea tenei tu kauapapa e whai wahi kei roto i nga Kura reo Maori anake? Ko te putake o tenei wahi ara ko tenei wahi whakawhiti whakaaro (blog) kia whai wahi ai tenei kaupapa whakahirahira. Mehemea he whakaaro au tukuna mai, kia whai wa, wahi ranei tatou te hunga kei roto i nga Kura Kaupapa Maori nga kura reo Maori anake ranei. He take ae/kao ranei? Mehemea ka pumau tatou ki to tatou reo rangatira me pehea te whakauru tenei kaupapa e-literacy kei roto i te kura? Te nuinga o nga rauemi he rauemi reo pakeha anake, te nuinga o nga ahuatanga o te ipurangi he mea reo pakeha, kei hea nga ahuatanga Maori? Na wai tena mahi? Ko wai atu ki a tatou nga Kaiako, nga whanau, nga tamariki ranei o nga Kura? Kaore he tangat tu atu ki a tatou na reira kei te aha koutou? Kei te whakaako nga ahuatanga o te e-literacy kei te kura mehemea kua timata ke tenei mahi ka rawe! Engari kaua e matapiko.